MOHABBAT BHEEKH HOTI TO TUMHARE DAR PE JHUK JAATE / UNKNOWN

Muhabbat bheek hoti to,
Tumhare dar pe jhuk jate,
Khuda ka wasta de kr,
Ye tumse maang lete hum,
Sadaa dete,
Khuda k waaste ye daal do jholi hamari me,
Magr ye bheek thori hai,
Jo jhuk k maang li jaye,
Faqat ahsaas hai jana,
Muhabbat aas hai jana,
Bohat hassas hai jana,
Kabhi ahsaas ko bazar me bikte hoye dekha??
Kisi bhi aas ko kashkol me dala nahi jata,
Muhabbat aik jazba hai,
Jo maange se nahi milta,
Agr ye bheek hoti to,
Bhikari ban gaye hote, 🙁
Magr ye bheek thori hai,
Sahoolat se jo mil jaye,
Bari mushkil se milti hai,
Ye dil ko dil se milti hai,
Tumhain ahsaas he kb hai,
Humari aas he kb hai,
Tumhain ahsaas hota to,
Humaray ho gaye hote,
Faqat ye soch k tumse judai ka irada hai,
Muhabbat bheek thori hai,
Jo tumse maangte phirte,
Magr ye zehan main rakhna,
Zamana beet jaye to,
Humari yaad aye to,
Humain awaaz de lena,
Humesha paas pao ge,
Humaray dil main chahat ka,
Sada ahsaas pao ge…!!!!!

—————-
Video footage courtesy
www.pexels.com
www.videvo.net